R小姐的部落格

之前朋友SD左呢個美食地圖比我，全部都係鰂魚涌的。

咁岩約我食飯，於是揀左去鯛魚專門店。

聽講用料十足， 湯底每日用逾45kg鯛魚新鮮打造，先將原條鯛魚焗熟，再放麻油和薑下鑊炒至魚肉鬆散，加入胡椒和秘製醬料淆逾十多小時，將精華完全逼出，奶白色的魚湯入口香濃鮮甜。

咁我地當然去試下！

個度一列店幾乎都係食的，中西日韓都有，

鯛魚魚湯專店就好特別，出外好日式，同隔離啲店格格不入咁，

好似好貴咁！

事實亦唔算平，但對比鰂魚涌的LUNCH價就唔係高太多！

個日早左少少出去搵位，好多人啊！

等左成3-4個字都未入得去！

但叫左你號碼個陣，帶位姐姐會叫你睇定食咩餐先，

咁有效率啲，畢竟都多人等。

時間關係，今日我無時間影其他相，見諒。

當然係叫左鯛魚湯飯，$78，可追加其他食物，如帶子、廣島蠔…十幾蚊左右…

無野飲，要飲野加十幾蚊，所以我寧願追加。

睇到佢上黎就有個爐，燒住裝住湯飯的鐵鍋…

已經覺得特別正！

鯛魚佢都唔孤寒，比到5-6塊，切得厚的。

湯底果然係鮮甜，好乳白色，無魚腥味！(我食得乾乾淨淨！)

面放上黑木耳絲、油豆腐絲、椰菜絲、海藻絲、蔥花、鯛魚…

外面圖係未煮熟的鯛魚，入黎的鯛魚面都變白，相信都有九成熟(所以有啲失望)

唔知會唔會因為LUNCH比較趕所以係入面煲熟左先！

佢啲飯 "索"晒湯汁，好香好甜！忍唔住一啖又一啖…

油豆腐切絲，所以未至於食到充滿肉汁的味道，有啲 "煙韌"…

整體係好唔坐，入面啲位細啲，同埋要搭枱架！

小食要夜晚先有架！免架加一(夜晚就唔肯定！)

LUNCH係無得定位的，要walk in！

鯛魚 魚湯專門店
地址：鰂魚涌海堤街6-16號龍景大廈地下3A舖
營業時間： 11am-10pm
查詢：2618 2696