close
759 沙律雞肉棒 | 759 辣味明太子腸 | 759 四種芝士魚肉腸 |
$6/1條 | 朋友請,價格約廿幾蚊 | $25.9/8條 |
三種中比較黏,撕開頂端有腸肉留下。 食落唔係有彈性的,但亦唔軟,係有少少脆感。 食唔到沙律味,雞肉的感覺就有啲,始終係同魚肉腸唔同,仲有少少組織係度。 |
摸落去好軟,但食落一啲都唔黏,係屬於有彈性的。 望落腸中一點點紅色的,唔係明太子,基本上係辣椒。 明太子都無咩特別味,得辣味,條脷間唔時有啲刺激感。 |
芝士腸亦係屬於有彈性,腸本身無咩味,間唔時食到中間橙色的芝士,有陣芝士香。 四種芝士我又真係食唔出喇,畢竟我唔算係芝士愛好者。 佢同明太子腸都屬於細條少少,同短少少。 |
沙律雞肉棒
就係咁,當你拎住頭個一截向後拉,佢就斷開左!
BID出黎個陣仲有痴住膠紙。
長個截,只要你沿虛線慢慢向下撕,咁佢就無痴住的情況!
明太子腸
見我咁拗佢,佢都唔會斷架!
彈性好好。我個人對辣的東西不太好!
同埋淨辣味,無咩特別。
總結:
R小姐係三種腸中,唯一會選擇回購的係四重芝士腸。
其他腸對我黎講真係無咩特別,呢三種日本腸都係基本上無咩味道。
芝士係隻就好似尋寶咁,睇下邊啖食度芝士味濃個隻^^
但唔建議食得濃味的朋友仔買,因為佢味道真係好啖,肉味都無架!
廿幾蚊都唔係平,一係搵幾個人夾黎試下!
文章標籤
全站熱搜
留言列表