日本傳統老店 中村滕吉
地址：彌敦道132-134T號美麗華商場
中村滕吉剛開張時有排過隊。
當時約10點多在THE ONE排隊拎籌(第一批，係9點前係商場門口已經拎左號碼，之後再上去拎正式的籌)，
等左一個鐘左右，拎到籌，佢有個二維碼比客人CHECK到當時叫到的號碼，客人可以預時間返餐廳。
店員都同我地講左要大約下午四點幾先有位，所以我同朋友去左做FACIAL(哈哈…不浪費時間)
這次搬到新地方，在同一條街的美麗華商場。
等的位置變闊了，我朋友去拎飛，等左約2個鐘左右就入得去，
而且佢有機器自己可以按籌，所以都方便好多，同樣可以掃描二維碼，
咁就算自己去左行街都可以知道叫到幾號，我覺得幾貼心的設計。
基本上設計的座位同舊店唔同，由一個正方形的吧台變左一字形的吧台。
用的餐具之類都無變過。
每桌用餐時間約1小時30分鐘。
先黎個茶蕎麥冷麵，份量夠一個人，男仔就應該唔夠喇！
加WASHABI入冷麵汁提高香味，汁就無咩特別的，
係普通的冷麵汁。
綠茶麵有少少回甘同香味，但唔苦的，又煙軔，所以個人係好喜歡，
加上夏天又開胃。
P.S.本身有套餐，但剛好我地去個ROUND就無晒飯，就淨係叫左個淨冷麵。
腐皮茶蕎麥麵(熱)
我習慣先飲一啖湯先的，一上黎其實好似公仔麵的味道，
食落都有少少，麵質好軟。
腐皮幾甜下，我個人還好，無特別鐘意同討厭。
但個湯我好鐘意，飲就唔似公仔麵的，仲有啲甜甜地，
好簡單的味道，但就係令我上癮的味道。(只有湯咋)
呢個係最新的草莓芭菲~~
如果想試不同的中村滕吉甜品，可以試芭菲，
入面有抹茶年輪蛋糕、白玉丸子、抹茶啫喱個類，
但呢個係朋友食的，我就無試，
佢話無咩驚喜。
呢個SET，
抹茶蛋糕幾鬆軟，但抹茶味唔算太突出。
另一隻，無食！評論唔到。
CREAM好軟綿，紅茶都係紅豆味夠但甜左少少，
白玉就無味，但就唔會硬身，
所以建議大家一定要幾種加埋一齊食，口感同層次先係最好架！
雪糕就係軟滑同有抹茶味幾濃，但朋友就唔多鐘意喇！
總結：
因為得一個半小時，所以建議叫定一兩個食物先，食到一半再叫其他。佢客人好多，所以出菜時間慢，所以最好係出面等個陣就睇定。
留言列表
