R小姐的部落格

首先，蒸氣架上面有塊荷葉，令海鮮可以吸收到荷葉的香味！

蒸氣一上來就嗅到好大陣荷葉味！^^

開爐前，服務員已經係大鍋中(蒸架下)放左一碗米。

枱下面有樽水，自動係入面循環！

海港有套餐，入面亦包龍蝦，蜆……

有六人同十二人餐，大概$688 - $1288左右！

但當日R小姐一行6人係選擇單點！

可以點到自己鐘意食的東西，又唔使硬食自己唔想食的！

首先登場的：馬刀貝！ 約$6X/1碟

肥大肉厚啊！好鮮，個大舊肉咬落D汁就出晒黎！所以食個陣要小心！

提醒：正常佢應該比兩個夾，一個夾生野，一個夾熟野！

           如果未開的話，取出已打開的貝類，其他續蒸30秒-1分鐘！

小籠包    $38/6隻   

佢係唔同飲茶有醋比你的，如果要可問服務員拎(但未試過，唔知有無架)

唔好諗住好特別，但係有汁的，亦都算唔錯！

食左兩次，朋友都覺得係必食！

 記得一定要放係荷葉上，或者人地生個陣附送左塊蘿蔔係底，放埋上去，咁就唔會黏底。

韭菜餃  

呢個係另一個餐單叫的，真係唔知幾錢！

韭菜味好濃(緊係啦，明話韭菜餃嘛！)，皮就好易穿同軟爛！

可以一試，其實味道唔錯，口感就麻麻！

黑松露墨魚丸 & 蝦丸

有少少彈牙的，蝦丸印象唔深，唔特別好食！

墨魚丸黑松露味好香，當然都蓋左墨魚味的，

但因為R小姐極鐘意食黑松露的緣故！

覺得好正！但一人得一粒咋！唔夠喉>.<

黑毛豬肉 $118-128/1碟

以上係分開左2次的，唔係真係得六塊，唔好誤會！

唔知加左D咩，好滑！油花都好多，肉味唔算勁！

如果唔鐘意豬肉，都有牛肉架！價錢差唔多！

游水蝦    $98/1碟

極度新鮮！我地未食佢之前，佢狂跳，係咁跳落地走，

要我地搵碟蓋住佢

中型！好甜啊！MY GOD！又彈牙喎！正啊！

白沙蜆  $48左右/1碟

細蜆，但鮮甜味比馬刀貝勁！

但當然因為體積細的關係，佢就無咁好咬口！

有時有沙(我就未試過食到，但朋友食到)，所以大家都要小心啊！

呢個係我必叫的！唔貴又好食。

鮑魚   $58-68/1隻

上次係將軍澳海港食覺得唔錯，今次就覺得陳皮味太濃喇！

食唔到飽魚的鮮味！

但第1次去都值得試下，幾腍架！唔韌！

蒜蓉蒸蟶子    $28-38/1隻

好魚味架大蟶子啊！

我係必叫的，又多肉又厚！

無論鮮味定口感都係一流啊！

韓國BB象拔蚌      $118/3隻

第1幅圖的份量係1隻，我地想試下倒落去吸荷葉味！

之後就原隻蒸！

要留意的係，象拔蚌好鮮嫩，亦好脆，

但係要跟足餐單上蒸的時間，一但蒸過左時間，

就會好韌，建議最多前後10秒好喇！

龍疐  + 瑤柱粥底   $118

我地分開左兩次蒸魚的！份量都唔算多架！

D魚油好香，肉又甜！

我自己鐘意食魚，可能會另叫一碟，或者另叫一整條沙巴龍疐！

我自己就無沾豉油的，較鐘意食佢本身的鮮甜！

但如果你唔係食得咁清淡！就拎D豉油啦！

粥底！精華啊！

落米個陣其實無落任何水，就靠蒸氣！

亦無落鹽！但佢比左少少鹹菜粒！

但我諗海鮮本身的鹹味滴左落去，

全部人都覺得好鹹啊！(我還可以食到兩啖)

最後我地自己加水！但海鮮的鮮味反而更明顯！

但當然就會似湯飯！唔似粥囉！HAHA~~

建議唔食得鹹的人，係佢落米之後，要求佢幫你落啲水落去！

唔係的話可最後加，但又要再煲一次囉！

一人有1-2碗！

總結：

都幾鐘意食蒸氣火鍋！

可以食到海鮮的鮮甜味道！

我係完全唔使沾任何調味料的人，但如需，酒家有提家醬料調配！

如果單點，落單前可先到海鮮區睇下有無靚海鮮揀！

個日本來有大隻瀨尿蝦，朋友話好靚，$65一隻！

但因為我地工作遲左，佢地等我地黎先叫野，已經無晒瀨尿蝦喇！SAD~~~

所以叫左象拔蚌，算係因禍得福?

成餐6個人食左 $ 1277~~

R小姐食左兩次喇！都仲係好回味!!值得一試架！

評分：/

地址：
藍田啟田道50號啟田商場3樓301號舖 (藍田港鐵站 A 出口 扶手電梯一直上)

電話：2379 9089