首屆香港美食車嘉年華，得到韓國著名汽車品牌KIA Motors與德國寶廚具 (German Pool) 的支持，攜手打造出4架精品美食車。美食車選用KIA Motors的KIA K2500輕型貨車所改裝，特色是富有多種車斗設計，所有車斗均由韓國製造，造工精細，今次KIA特別帶來「電動鷗翼門」及首次亮相的「三摺斗」車斗，設計醒目有型，作為流動美食車 。
主辦單位還特別邀請4位識飲、識食、識煮的歌、影、視界星級嘉賓，為大家於精品美食車上，炮製一系列星級美食，星級嘉賓更會於香港美食車嘉年華舉行期間現身，為大家奉上別出心裁的美食，帶來星級驚喜。4位星級嘉賓包括
最近FACEBOOK好HIT個隻棉花糖BOOMF都有攤位！仲有九折！
有興趣可以去試食左先！
地點： 中環鴨巴甸街35 PMQ元創坊地下 (中環地鐵站D2出口)
Joyce鄭欣宜、Sam李燦森、Stefan黃長興、游莨維
美食車嘉年華唔需要入場費的，但全場皆需以代幣付款。
入場後找到黑色帳幕。
此處為金幣換領處。
$10 = 1 token
有啲牌上寫Token,有啲排寫coins，但其實係同一樣的。
同朋友3個人各換了$100，有3個$100代幣。
咁就可以入場搵野食喇！
行左一圈，第一站…
欣宜的自家曲奇HOMIE COOKIES。
係咁熱的環境下，我地當然係買左個特別的 "曲奇三文治"啦！
一塊曲奇係2個Tokens，即係$20/塊。
咁曲奇三文治係6個Coins的。
我地呢個係白朱古力抹茶夏威夷果仁曲奇夾朱古力榛子雪糕。
唔…甜度我個人覺得岩岩好，因為佢好多NUTS！
但係要留意，HOMIE COOKIES的曲奇餅係軟曲奇，並非脆身同牛油味重的，
但就覺得同雪糕夾啲，軟軟地，似係雪糕的配料，唔係搶左雪糕的味道。
但就有啲狼狽，因為每咬一啖，雪糕就就 "咇"左出去，好彩有個盒仔。
P.S. 當晚見到欣宜好落力咁叫賣，但無去影相，費事阻住人。
PMQ去到最尾，左手邊，
有架車係推廣ASIA MILES的。
只要你係會員(可出示推廣EMAIL或登入ASIA MILES的網站)，
就可以免費獲贈一杯飲料。就係上面白色個張Drinks Voucher。
同時佢會比條黃色手帶你，綁係手上，
之後買飲料可以買一送一。
注意：免費個杯，時間只係去到10:00pm；而買一送一優惠就可以去到11:00pm。
未係會員的都唔緊要，可以即場填資料的。
排隊，只有 Sangria，但就無酒精成份的，
只係橙汁溝SODA。
無咩味，唔好太大期望，只係飲到最下有少少罐頭水果的甜味，
但免費的，咪當水飲囉！
個度係有枱同椅子的，當然地方好細，得幾張枱架咋！
呢間係食韓國野的，
我地買左一盒紫菜包飯，4 Tokens。
佢呢間野，好多都係4 Tokens。
$40都算OK!!
餡料有海藻、紅蘿蔔絲、醃蘿蔔、火腿……
都唔錯，但唔會好SURPRISE啦當然，因為入面D配料都係普通野！
Boomshack，我呢個係辣味蜜糖炸雞窩夫。
價值：9個Tokens
如果怕太飽，就可以叫雞桶，
小的:7 Token；大的：12 Tokens
講返呢個蜜糖炸雞窩夫，
一入口好香，蜜糖甜味岩岩好，皮亦夠脆，
少少辣，個窩夫皮好鬆軟，好香蛋味，加埋D汁，
麵粉的香甜同蜜糖的甜味融合左，
但雞就唔係話好大，可能係我能分左三舊食！HAHA！
本黎諗住剩返D錢，買2條雪條食，
見到呢間，我們一致覺得早知唔買個炸雞窩夫試！
但澄清，我地行到黎個陣係未食炸雞，因為仲等緊>.<(食左當然覺得好正啦，係貴姐！)
咁我地犧牲左一條雪條，買左：
西班牙黑毛豬肉串(圖左：2 Tokens/5粒
無咩特別，但就勝在食到少少肉汁香味！
美國安格斯牛脊肉串燒(圖右)：2 Tokens /3塊
佢比既醬好難食，搞到根本食唔到牛味，
牛粒又唔係厚，叫既人記得走醬！
總之D汁係伏黎！
魚餅：2 Tokens/3塊
如果你鐘意食香茅，岩晒你，
如果係唔鐘意香茅陣味，請遠離！
呢舊唔係魚餅囉！係香茅餅！
哇！成個口充斥香茅的重口味！我真係頂唔順！
慎選！
其餘的仲有：
一口和牛：4 Tokens
日本雞泡魚乾：4 Tokens/50克
海鮮焗釀蟹蓋：2 Tokens/1個
雞肉丸：2 Tokens/5粒
最後係：SOBERT雪條！
有酒：5 Tokens；無酒：4 Tokens
呢個係Sangria，各位，真係有酒架Sangria！
佢係蜂蜜玫瑰酒，一入口好大酒果酒香味！
又唔甜，個質感係，一咬入口就融！
好鐘意！
結論：
PMQ其實好細，唔算多攤位！
唔好將呢個嘉年華當做美食展！
呢度D野係唔平架
抵唔抵就見人見智啦！
基本上去既人都係趁下熱鬧姐！
最後，建議大家逛左一圈，睇左心水食物的價錢後先去換代幣！
因為佢係無得退款架！買多左就要夾硬用喇！
如果想試龍蝦包，我建議排左隊先！
我地7:30排個陣，佢地話比我地知要8:00之後先有！
好啦！咁我地行左一圈去排，8點！
點知佢話已經排左第一輪，個啲人拎左飛！
算，咁我排第2輪！剩返3個到我，佢話賣晒熱狗同龍蝦包！
有啲不滿囉！我地第一輪排個陣無話比我地知可以比左錢拎飛先
所以建議想食的人，如果佢話未開始有！
你都問下佢有無得拎飛！
龍蝦包：8 Coins
西班牙海鮮飯：7 Coins
熱狗：6 Coins
留言列表
